Condicions Generaus de Venta

Abansdíser

Las presentas Condicions Generaus de Venta e d’Utilizacion (ací-devath « Las Condicions Generaus de Venta ») qu’an per objècte de definir las modalitats e condicions on ÒC VOD hica a disposicion d’un public qui demora en França metropolitana, un catalògue de programas audiovisuaus (ací-devath « Los Programas ») en l’encastre d’un servici de vidèo a la demanda en streaming (ací-devath lo « Servici »).

Lo site que perpausa dus servicis de vidèos a la demanda : ÒC VOD per la locacion de vidèos per un periòde de 48 òras de reng (VOD) e ÒC VOD+ tà la vidèo a la demanda per abonament (SVOD).

Daubuns programas que son tanben veneders au format DVD.

Qu’ei precisat los programas que son disponibles autant com son vededers suu site. ÒC VOD e ÒC VOD+ que’us pòden suprimir quan vólhin.

Las Condicions Generaus que son confòrmas en tots punts a la reglamentacion aplicabla en matèria de venta a distància per lo biaish d’Internet e subertot a las disposicions deus articles L 111-1, L 113-3, L 121-18 e seguents deu Còde deu consum e aus articles 1369-1 e 1369-2 deu Còde civiu, modificats e/o introdusits per la lei n°2004-575 deu 21 de junh de 2004 tà la hidança en l’economia numerica.

Aquestas Condicions Generaus de Venta qu’arregueishen sonque los servicis perpausats suu site internet www.ocvod.fr.

1 Camp d’aplicacion

L’accès au Servici qu’ei reservat aus Utilizators qui an acceptat preliminarament a la lor inscripcion, shens retienuda e a causa sabuda, aquestas Condicions Generaus de Venta en integralitat.

L’utilizator reconeish que tota comanda d’un programa e tota publicacion de comentari o vejaire suu Site e vau acceptacion shens retienuda de las presentas Condicions Generaus de Venta.

Per cas de non respècte per un Utilizator de las presentas Condicions Generaus de Venta, ÒC VOD e ÒC VOD+ que’s balhan lo dret de’u refusar o de’u suprimir l’accès au Servici. ÒC VOD e ÒC VOD+ que’s balhan tanben lo dret de modificar las presentas Condicions Generaus de Venta quan vólhin.

Que pertòca a l’Utilizator de s’i referir a cada comanda, entà que préni coneishença de la darrèra version.

2 Identification

ÒC VOD qu’ei un servici de l’associacion Conta’m:

Sedença sociau : 13 plaça de la Republica- 64800 NAY
Associacion Lei 1901 declarada a la sosprefectura de Pau lo 27 de març de 2010
SIRET : 42229645800022

3 Condicions entà passar ua comanda

L’Utilizator que deu estar major d’edat e aver la capacitat juridica de har ua comanda suu site. Peus menors, que’us hèn hrèita ua autorizacion parentau qui’us permeti d’utilizar los servicis deu site. En aqueste cas, lo titular de l’autoritat parentau qu’a acceptat d’estar guarant deu respècte de totas las Condicions Generaus de Venta au moment de la crompa suu site ocvod.fr.

Abans de passar comanda, qu’ei conselhat a l’Utilizator de’s referir a las rubricas « Quin marcha aquò » e « FAQ » tà verificar la compatibilitat enter lo servici vidèo a la demanda e lo son materiau.

Tota comanda suu site d’un o mantun programa qu’ei ligada a la creacion d’un compte personau e esfecific aus servicis ÒC VOD. Lo client que’s deu inscríver e obrir un compte client (ací-devath aperat « Lo Compte ») qui serà accessible mercés a un identificant e un mot de passa.

Lo client que’s poderà modificar quan vólhi lo mot de passa en arribar a la rubrica « Mon Compte ».

Per cas de desbremb o de pèrta deu mot de passa, lo client que poderà demandar que’u síi tornat enviar sus la soa adreça electronica.

Au moment de la soa inscripcion que serà demandat au client que comuniqui informacions personaus que’u permeteràn de s’identificar, de har las crompas e de’s seguir las comandas.

Tà crear un compte, que hè hrèita de plenhar lo formulari d’inscripcion. Ua confirmacion de la soa inscripcion e de creacion deu compte que serà enviada au client a l’adreça electronica qu’aurà indicada en lo formulari d’inscripcion.

Lo client qu’ei lo sol responsable de l’utilizacion deu son compte qu’aquò síi per eth medish o per quauqu’un mei, identificant e mot de passa que deven estar guardats secrets. Se lo client s’avisa d’ua utilizacion fraudulenta deu son compte, que s’engatja a n’informar de tira ÒC VOD.

ÒC VOD que’s da la possibilitat de clavar un compte quan i a problema de pagament, d’agís contra lo Còde de proprietat intelectuau o de mancas a l’ua de las soas obligacions qui pertòca lo client en vertut de las presentas Condicions Generaus de Venta.

4 Auhèrtas e modalitats de liurament deu programa

a) Servici de vidèo a la demanda en locacion 48 òras ÒC VOD
Lo programa seleccionat sus ÒCVOD qu’ei disponible en lectura illimitada 48 òras de reng, a comptar de la data de locacion.
Que hè hrèita d’estar connectat a la tela.

b) Servici de vidèo a la demanda per abonament ÒC VOD+
L’abonament anuau sus ÒC VOD+ que permet de visionar en lectura illimitada, l’integralitat deu catalògue de films present sus ÒC VOD pendent lo periòde cobèrt per la soscripcion. Que hè hrèita d’estar connectat a la tela.

c) Crompa de DVD
Daubuns programas que son editats en DVD, que s’ageish de DVD comerciaus, liurats cellofanats.

Tà la França metropolitana, lo liurament deus DVD qu’ei hèit per la Pòsta :

En letra vèrda seguida tà los liuraments en devath deus 2kg e 3 cm d’espessor (dilai de 5 a 5 dias).
En Colissimo seguit (remetuda shens signatura) entàus liuraments de mei de 2kg e/o de mei de 3cm d’espessor (dilai Colissimo de 48 òras).

La comanda que serà tractada e liurada a l’adreça de liurament que lo client aurà indicada au cors deu procèssus de comanda.

5 Comanda e seguit de comanda

La comanda en VOD que’s debana en mantuas etapas com segueish :

Causida deu o deus programas que lo client vòu visionar en locacion 48 òras de reng.

Creacion d’un compte personau o identificacion suu site si un compte qu’ei estat dejà obèrt.

Vizualisacion deu recapitulatiu de la comanda.

Pagament

Confirmacion de la comanda la quau s’aficha en l’unglet « Ma comanda ».

Enviada deu recapitulatiu de la comanda a l’adreça electronica deu client.

La comanda qu’ei definitivament acabada tanlèu com l’organisme de pagament de ÒC VOD qu’aurà acceptat la transaccion.

ÒC VOD que’s resèrva lo dret d’arrefusar la comanda d’un client dab lo quau auré encontrat problèmas au moment de las comandas precedentas.

Si per ua rason tecnica lo client n’arriba pas a léger lo o los programas comandats, que pòt sia consultar lo servici en linha, sia contactar lo servici clientèla en corriquejar a l’adreça mèl: ocvod@contam.fr

A comptar de l’enregistrament de la comanda en lihna, lo client que recebarà un corrièr electronic qui l’informarà deu seguit de la soa comanda, a saber :

– Comanda enregistrada : la comanda qu’ei estada plan enregistrada e lo pagament debitat. Lo client qu’ei en mesura de telecargar lo o los programas comandats e/o la soa comanda que’u va estar enviada.

– Comanda anullada : la comanda qu’ei estada anullada per amor lo pagament per carta bancària qu’ei estat refusat.

Qu’ei precisat lo client que pòt a tot moment accedir au son Compte tà que’s seguesca las comandas en cors.

ÒC VOD que s’engatja a remborsar lo client o a escambiar los produits defectuós, degalhat o mascanhats o non correspondents a la soa comanda.

Los DVD que’ns deuràn estats tornar en lo troçatge d’origina, acompanhats d’un rapide descriptiu deu problema encontrat.

Lo client que dispausa d’un dilai de 15 dias a comptar de la recepcion de la soa comanda tà s’enviar la reclamacion dab lo produit defectuós a :
ÒC VOD – CONTA’M – BP 23 – 64800 NAY

ÒC VOD que procedirà au remborsament deu o deus produits. Las còstas d’enviada que seràn remborsadas au client sus la basa de la tarifa facturada e las còstas de retorn que’u seràn remborsadas sus presentacion deu justificatiu de pagament.

En aplicacion de l’article L121-20-2 deu Còde deu Consum, en rason de la natura immateriau deus bens liurats per streaming per ua comanda en VOD o SVOD, las crompas (en locacion o per abonament) que son fèrmas e definitivas. Non poderàn dar lo parat d’un dret de retractacion.

Non poderàn dar tanpauc lo parat a un escambi o remborsament, sonque per las comandas de DVD, en cas de produits defectuós, degalhats o mascanhats (confòrmament au punt ací-devath).

6 Prètz e modalitats de pagament

Los prètz deus visionatges que son consultaders sus las paginas deu site dedicadas aus programas e que son indicats en euros. Los prètz que son nets, shens TVA, en n’estar la nosta estructura exonerada en vertut de l’article 261-7-1°-b deu Còde Generau deus Impòsts.

Totas las tarifas que son indicadas suu site tà cada programa seleccionat au moment de la comanda. Totas las comandas que son pagaderas en euros, quau que sia lo país d’on ua persona e pòt passar comanda.

Los prètz deus produits aplicaders que son los indicats suu site au moment de l’enregistrament de la comanda (ÒC VOD que’s resèrva la possibilitat de’us modificar). Los produits que seràn donc facturats sus la basa de las tarifas en aplicacion au dia de la comanda.

Los pagaments que’s deven obrar suu site www.ocvod.fr segon las modalitats indicadas ací-devath.

Coneguda causa síi : los prètz suu site www.ocvod.com que concerneishen sonque la venta au public tà un usatge privat.

Per un aute usatge e la quita utilizacion en los lòcs publics o au près de las colectivitats, escolars, mediatècas, bibliotècas, vólhitz v’adreçar a l’associacion CONTA’M en escríver a l’adreça seguenta:
Conta’m – BP 23 – 13 plaça de la Républica – 64800 NAY
o per corric a: ocvod@contam.fr

Los mòdes de pagament disponibles sus www.ocvod.fr que son los seguents:
per carta bancària capvath lo sistèma securizat Stripe.

Au moment deu pagament per carta bancària, lo client que deurà indicar lo son numerò de carta, dab la data d’expiracion e lo criptograma marcat au darrèr. Qu’ei precisat lo debit de la carta bancari que’s hè suu pic, tanlèu que l’autorizacion de pagament qu’ei balhada per l’organisme bancari partenari, e aquò abans la mesa en òbra efectiva de la lectura deu programa.
La seguretat deu site Internet www.ocvod.fr qu’ei ua prioritat absoluda. Qu’ei pr’amor d’aquò OC VOD qu’utiliza lo sistèma de pagament de seguretat.

Per chèc, virament o carta bancària – sonque per las comandas DVD e auheridas de lançament sus ÒC VOD+ atau com l’abonament annuau o/e institucionau – chècs libelats au nom de Conta’m.

7 Proprietat intellectuau

Tots los tèxtes, comentaris, obratges, illustracions e imatges fixas o animadas, lògos, denominacions e marcas reprodusidas sus aqueth site que son protegidas peu dret de la proprietat intellectuau e peu dret d’autor, en lo monde sancèr. Atau e en conformitat a las dispausicions deu Còde de la proprietat intellectuau, sonque las representacions privadas e agratís hèitas sonque en usatge privat deu copista e non destinadas a ua utilizacion collectiu e son autorizadas.
Tots los autes drets que demòran reservats.

Lo tèrmi « usatge privat » qu’estrema mei que mei tota representacion en los lòcs publics com los clubs, vidèotècas, cars, batèus, bars-tobacs e estanguets, espitaus, ostalerias, platafòrmas petrolèras, presons e establiments escolars (…)

Lo client e/o l’internauta que s’engatja a non pas modificar, copiar, tornar publicar, transméter, véner o distribuir de nada faiçon aquestes programas audiovisuaus. Los autes drets reservats, tota reproduccion totau o parciau deu site www.ocvod.com e/o deus sons elements e/o programas audiovisuaus qu’ei estrictament interdita.

Lo Servici qu’ei hicat a disposicion deus clients dab resèrva qu’aquestes e s’engatgin a :

– Non pas copiar, modificar ni alterar tota partida deu Site Internet o deu Servici ;

– Non pas ensajar de contornejar, desactivar o desarrotar quin que síi, tota foncion deu Servici ligat a la seguretat o (i) en empachar o en restrénher l’utilizacion o la copia deu Contengut o (ii) en impausar limitacions sus l’utilizacion deu Servici o deu Contengut accessible suu Servici ;

– Non pas aviar un sistèma automatizat ni se’n servir (subertot, tot robòt, spider o lector hòra linha) dab un accès au Servici de tau sòrta qu’envíi messatges de requèstas aus serviders de ÒC VOD.fr, mei que non pòt rasonablament ne produsir un uman pendent lo medish periòde, e donc qu’utilizi un navigator Internet deus estandards (qu’ei a díser non modificat) disponible suu mercat.

– Non pas collectar, ni recuélher donadas de caractèr personau sus tot utilizator deu Site Internet o de tot Servici ;

– Non pas accedir au Contengut per tota auta rason qu’ua utilizacion personau non comerciau, tau com prevista e autorizada per las foncionalitats normaus deu Servici.

8 Responsabilité

ÒC VOD que’s tira de tota responsabilitat tà çò qui pertanh l’usatge o lo contengut deus programas comandats. Los programas perpausats que son confòrmes a la legislacion francesa en vigor.

Las caracteristicas deus Programas que son definits per ÒC VOD e que son las descriutas suu site au moment de la comanda. Que pòden estar modificadas o amelioradas quan vólhim.

Que cau notar que las fotografias reprodusidas sus aqueste site e illustraderas deus programas presentats e n’an pas nada valor contractuau.

Coneguda causa síi: ÒC VOD non poderà de nada faiçon carrejar la responsabilitat de quin domau que síi, patit per un client e/o tresau persona peus rasons seguentas:

– Tota incompatibilitat tecnica enter los programas qui seràn enviats au client per ÒC VOD.

– Tota indisponibilitat deu site qui hè puisheu subertot a la comanda de programas audiovisuaus e d’un biaish generau de tot guast tecnic.

– Tota indisponibilitat de l’un deus programas hicat suu site.

– Tot cas de fòrça tau com definit per la jurisprudéncia de la Cort de Cassacion.

– De l’accion o de l’omission de l’internauta e/o de tota tresau persona.

ÒC VOD non horneish pas servici d’accès a la tela. Aqueste servici que’s deu contractar abans tot, o independentament deu que la societat auhereish. Atau, l’associacion Conta’m non serà pas tenguda com responsabla, en nat cas, deu maishant foncionament o de la prestacion insufisenta deus servicis d’accès à la tela e/o de comunicacion dab lo servici. En cas de ligam ipertèxtes cap a d’autes sites a partir deu site ocvod.fr, l’associacion Conta’m non serà pas responsabla deu contengut de las informacions hornidas sus aquestes sites un còp los ligams activats. Lo client e/o l’internauta que s’engatja a non pas contornejar ni portar prejudici au sistèma de proteccion deus fichèrs numerics necessaris a l’utilizacion de l’auherida, ni a encoratjar quauqu’un mei a d’actes d’aquesta traca.

9 Informatica e Libertats

ÒC VOD que poderà utilizar las ditas donadas personaus tau tractament de la comanda deu client e tà ahortir la comunicacion e l’auherida de produits reservats aux clients de la platafòrma ÒC VOD, subertot per las letras d’informacions (Letra d’infò) a las quaus los clients e/o internautas e’s pòden abonar.

Confòrmament a l’article 34 de la lei n°78-17 deu 6 de genèr de 1978 ligat a l’informatica, au fichèrs e a las libertats, los clients e/o internautas que dispausan d’un dret d’accès de rectificacion e d’oposicion a las lors donadas personaus. Atau, que pòden exigir que síin rectificadas, completadas, clarificadas, mesas au dia o desfaçadas, totas las informacions qui’us pertòcan e qui son inexactas, incompletas, equivòcas, passadas o dont la collècta, l’utilizacion, la comunicacion o la conservacion qu’ei interdita.

Tà exerçar aquestes drets, que sufeish d’adreçar un messatge en l’unglet « Contact » de la rubrica « Mon compte » o en escríver a:
ÒC VOD – CONTA’M 13 plaça de la Republica – BP 23 – 64800 NAY

Lo site qu’ei concebut tà portar las melhoras responsas a tot besonh deus nostes clients. Qu’ei tanben per aquò ÒC VOD que hè usatge deus cookies. Los cookies qu’an per fin de senhalar lo passatge deus nostes clients suu site e que son indispensables au foncionament tecnic de las nostas auheridas VOD e SVOD.

10 Litigis

Las presentas Condicions Generaus de Venta que son regidas peu dret francés. En cas de litigi, lo tribunau de Comèrci de Pau que serà sol incompetent. En cas de dificultat ligada a ua comanda, lo client a la possibilitat, abans tota accion en justícia, de cercar ua solucion a la bona, subertot dab l’ajuda d’ua associacion de consomators o d’un mediator.