Dessenhs animats
Filmes d'animacion corts
Supervèrmi
Zog e los mètges volants
L'Odissèia de Shom (Gascona)
Lo Scelerat (lengadocian)
Sénher Ram (lengadocian)
Lo SceleRat (gascon)
L'Odissèia de Shom (Lengadociana)
Zog
La Balena e l'escaragòla (gascon)
Sénher ram (lemosin)
Patata e los amics de l'òrt
La balena e l'escaragòla (limosin)
Una plaça sus l’escoba
L'Odissèia de Shom (Lemosina)
Sénher Ram (gascon)
Lo Pichon Gruffalò
La balena e l'escaragòla (Lengadocian)
Sénher Ram (lemosin)
Lo Gruffalò
Serias d'animacion
Trotet version lengadociana (Serias d'animacion)
Trotet es un asiron gris. Aluserpit, escarabilhat, es totjorn plan de biais e se sap despatolhar dins la vida. Jòga amb son amiga Lili e aimariá que Nana li faga mai de cas. Sas aventuras son de bon comprene pels pus pichons, e ne sòrt una aimabla ironia suls caprices dels mainatges que vòlon far lor sicap.
Ma Tèrra Tant Aimada (Serias d'animacion)
Los tèmas transversaus qu’abordan la biodiversitat, la demografia e la plaça de l’òmi suu planet, los grans cicles, l’evolucion e los fenomèns d’acceleracion. La seria que tracta deus demieis, deus elements, de las energias, deus equilibris naturaus, deus eco-sistèmas. Que familiariza lo public joen a nocions com l’observacion, las traças… L’objectiu qu’ei de har descobrir, har compréner, apréner d’espiar, aquesir gestòts de proteccion e lo respècte de l’environament. Los autors que hasón la causida d’emplegar mots simples entà explicar, peu biaish d’imatges concrèts, fenomèns a còps complicats mes essenciaus entà conéisher lo foncionament de la vita.
Trotet version gascona (Serias d'animacion)
Trotet qu'ei un asolet gris. Coquinet, entosiasta non se'n da pas de las causas e que s'ac vira dens la vita. Que s'amusa dab la soa amiga Lilí e qu'aimaré Nanà qu'u remarca. Las soas aventuras que son concebudas entà facilitar la compreneson deus mei petits e que difusan ua charmanta ironia suu caborrudèr deus mainats qui reïvindican la lor autonomia.
Las Galinetas (Serias d'animacion)
Fòra del galinièr, i a una vida… E quitament tot un mond ! Carmen e Carmelito, nòstres pichons eròis galinencs, ne sabon quicòm ! Se d’aventura quicòm destorba lo galinièr, ardit ! Aquí-los que saltan lo pareton, las plumas al vent, per cercar una solucion. Amb lor amic moton Belino, crosan un fum d’eròis d’una espècia plan diferenta, que lors noms son plan estranhs : Marie-Antoinette, Shakespeare, … De segur, tot còp i daissan de plumas, mas, mercés an’aqueles rencontres extraordinàris, nòstras galinetas tròban a cada còp lo biais per ajudar lo galinièr a tornar trobar la siá patz legendària.
Trotet version provençala (Serias d'animacion)
Trotet es un pichon ai griset. Coquin, estrambordat, vei sempre lo bòn costat dei causas e se despatolha dins la vida. Jòga ambé son amiga Lili e aimariá que Nanà s'avise d'eu. Seis aventuras son conceupudas per facilitar la compreneson dei mai pichons e difuson una gènta ironia sus lei testardariás deis enfants que revindican son autonomia.
Mini Lop (Serias d'animacion)
Seguissètz las aventuras de Mini-Lop, lo lobaton gausa-tot, qu’es pas empesat del cap mas sonque de la nifla e que n’es fièr ! Aquel pichon eròi pintoresc, fissaire e afrontat, nos pertòca a cada còp. Amb el, pas de temps per se languir, li agrada mai que tot de far de galejadas e de peguesas amb los amics, que d’amics, n’a ! Avança dins un mitan familial que reconfòrta. Aicí se tracta dels tèmes etèrnes de l’enfància, amb amistança e esperit, çò que balha al nòstre eròi una polida gràcia, de jovença… e son debolic !
Trotet version lemosina (Serias d'animacion)
Trotet es un pitit ase gris. Escarrabilhat e plen d’estrambòrd, vei totjorn lo bon costat de la vita e se’n tira a chasque còp. Juga coma son amija Lili e aimariá que Nanà l’avisesse. Sas aventuras, conçaubudas per rendre aisada la compreneson daus mainatges, mandan una espiada genta e risoliera sus los entestaments daus dròlles que revendican lor autonomia.
Pepin Trespomas (Serias d'animacion)
Un còp èra, un chivalièr pichon, pichonèl, que corrís lo vast mond, en companhiá de Magret, son cosinièr de fisança, e Picanhièr, lo fat del rei. Valent, plen de bontat e curiós, Pepin Trespomas trobarà totjorn la solucion dels problèmas que los tres amics encontraràn.
Cornilh e Bernat (Serias d'animacion)
Cornilh qu’ei un can excepcionau. Que sap parlar, léger de diagonau, e quitament que soluciona problèmas matematics deus complicats. Mes dinc adara, Cornilh n’a pas jamei desvelat lo son capatge per paur de deviéner un cobai sientific. Quan los sons mèstes qu’enplegan un guarda-can, la vita tranquilla e doceta de Cornilh que cabussa, Bernat qu’a trobat lo son secret.