FAQ

On se tròba lo boton “s’incríver” sus la pagina d’arcuelh, ne’u vedi pas?

Si lo boton “s’incríver” ne’s ved pas en haut de la pagina d’arcuelh, (véder captura d’ecran), que’s pòt que la resolucion deu vòste ecran ne sia pas reglat corrèctament o que la fonccion “ZOOM” sia activada. Que sufeish de modificar la resolucion de l’ecran o de desactivar la fonccion “ZOOM” tà véder aparéisher lo boton “s’incríver”.

E devi estar conectat a internet entà espiar un filme en streaming ?

Tà espiar un filme en streaming, que hè hrèita ua conneccion internet pendent lo visionatge de la vidèo. Que podetz comencar la lectura deu filme pendent lo cargament.

Quina ei la taula deus prètz ?

Volhatz consultar l’unglet PRÈTZ situat en baish de la pagina.

Si comandi un DVD, en quant de temps e’m serà liurat ?

Los DVD que’vs seràn liurats en un temps de 2 a 5 dias a comptar deu pagament per carta bancària (o a la recepcion deu vòste chèc ).
Los chècs que seràn enviats a l’adreça seguenta :
ÒCVOD – CONTA’M
BP 23
64800 NAY

E poish dispausar d’un contròle parentau ?

N’i a pas nat contròle parentau.
Cada video perpausada que correspon a un tròç d’atge perfèitament identificat.

Perqué me demandar l’adreça postau pendent la creacion d’un compte ?

La vòsta adreça postau qu’ei necessària en cas de comanda de DVD entà’n har lo liurament.
En nat cas, la vòsta adreça ne serà utilizada per d’autas rasons o enviada a tèrças personas.

E poish utilizar un filme a fins pedagogicas, en dehòra de l’encastra familiau ?

Si voletz utilizar un filme en l’encastra escolara, en collectivitat o en un lòc public, que’vs convidam a’ns contactar entà trobar amassas la solucion mei adaptada.
Que dispausam de formats HD especifics, tanben copias numericas au format DCP tà las salas de cinèma e projeccions a l’airejada, acompanhadas deus drets correspondents ad aqueths tipes d’utilizacion.
La locacion 48 òras e l’abonament estandart que son strictament reservats tà ua utilizacion en lo cerc familiau e privat e ne permeten en nat cas la difusion o l’utilizacion de las òbras en dehòra d’aquera encastra.
Tota difusion (representacion) o reproduccion requereish lo respècte de la proprietat intellectuau. Que s’ageish d’ua obligacion legau impausada per divèrsas dispausicions deu còde de proprietat intellectuau.

ÒCVOD ei legau ?

ÒCVOD qu’ei un site legau.
Qu’arrespècta la legislacion pertocant aus drets d’autor e d’espleit de las òbras.

Quin se hè lo pagament ?

Tà la VOD, n’acceptam pas sonque lo pagament en linha per carta bancària.
Lo sistèma de pagament qu’ei securizat mercés au sistèma Stripe.
Per las comandas de DVD, qu’ei tanben possible de pagar per chèc, lo tractament qu’ei drin mei long pr’amor deu temps postau.

Quant de còps e poish espiar un filme ?

S’avetz causit de logar un filme en streaming, que dispausatz de 48 òras tà l’espiar autan com vólhitz
S’avetz causit l’ua de las formulas d’abonament, que podetz visionar quan vólhitz e autan com vólhitz l’integralitat deus contenguts perpausats.

E pertocant los sostítols ?

La fica tecnica de cada programa qu’amuisha si los sostitolatges que son disponibles o non, en occitan o en françes.
Per activar los sostítols, que sufeish de clicar suu boton en baish a man dreta de la frinèsta video un còp lo vòste filme lançat (botonet « cc »)
Tàus DVD, si sostítols e son disponibles, que sufeish de’us activar en lo menut « versions » deu DVD

Quant de temps las òbras publicadas sus ÒCVOD e demoran en linha ?

Que hèm au mei plan tà que los filmes e demorin en linha lo mei longtemps possible. Lo noste but qu’ei de perpausar un maximum d’òbras en occitan .
Totun, per rasons de drets, uns programas ne seràn pas disponibles que per ua durada determinada.

Quina ei la configuracion minimala requesida peu streaming ?
Que’vs cau au minimum ua coneccion internet dita haut-debit e un ordinator.
La poténcia requesida qu’ei au minimum un PC pentium 3 (en data de 2003) dab lo sistèma d’espleitada Microsoft XP SP 2 o superior. Taus utilizators d’Apple, lo minimum requesit qu’ei lo sistèma Mac OS 10.4 (en data de 2005) o superior.
Un navigator internet de darrèra generacion (en data de 2011 minimum) qu’ei tanben requesit de tipe Internet Explorer 9, Firefox, Chrome, Safari,…