La balena e l’escaragòla

Dessenh-animat, filme d’animacion cort

Atge : + 3 ans – 27 min

Sostítols : francés

Occitan : començant (version gascona, lemosina e lengadociana)

Sinòpsi

[Lengadocian] Una escagaròla de mar se languís sus un ròc d’un pòrt vièlh e sómia a córrer lo mond. Un jorn, una granda balena gibosa li prepausa de la menar en viatge pels oceans del glòb. Aquela amistat inabituala nos fa cabussar dins una odissèia meravilhosa al còr de la natura de l’infinidament pichon a l’infinidament grand.

[Lemosin] Una cagolha de mar se languís sus un rochier d’un pòrt vielh, e raiba de córrer lo monde. Un jorn, una granda balena boçuda li perpausa de la menar en viatge per los oceans dau glòbe. Aquela amistat inabituala nos fai cloncar dins una odissea meravilhosa au cur de la natura, de l’infinidament pitit a l’infinidament grand.

[Gascon] Ua escargòlha de mar que s’aveja suu ròc d’un vielh pòrt e que sauneja de córrer lo monde. Un dia, ua grana balena a bòça que la perpausa de miar-la en viatge capvath los oceans deu glòbe. Aquera amistat inabituau que’ns hè cabussar en ua odissèia meravilhosa au còr de la natura de l’infinidament petit tà l’infinidament gran.

De Daniel Snaddon et Max Lang

Banda-anóncia